GAURKO NEKAZARITZA ETA ABELTZANTZA

  Gaur egun baserrietan  nola egiten den lan aztertzera abiatu ginen maiatzeko bi egun desberdinetan. Horretarako 3. mailakoak bi taldetan banatu ginen, Debarroak antolatu bezala.

   Lehendabizi Elgoibarko Zeleta baserriko negutegietan ibili ginen nekazaritzako molde ekologiko berrien nondik norakoak ezagutzen. Tomate ederrak nola ateratzen diren ikusi genuen.

   Handik Aretxabaletako Etxebarria baserrira joan ginen Urkulu urtegiaren inguruetara. Han esne ekoizpena gaurko ikuiluetan nola robotizatu den harritzeko aukera izan genuen. Zein baino zein interesgarriagoak izan ziren bi bisitaldiak.

ARANTZAZUKO PARKETXEA

 Eguraldi ederra lagun, martxoaren 30ean, autobusetan, Arantzazuko Parke Naturalera abiatu ginen 3. mailako ikasle eta irakasleak. Bertan bi taldetan banatu eta ekintzak burutu genituen. Alde batetik, inguruetako ibilbide erraz batean, bertako klima urtaro desberdinetan aztertu genuen. Bestetik, Pello Zabalaren ahotik, meteorologiaren hastapenak ezagutu genituen. Baita  ipar-orratzarekin joku-tailer bat burutu ere tartean. Azkenik Aizkorriko Parke Naturala maketa haundi batean ezagutzeko aukera izan genuen. Bazkaldu eta jolasteko denbora gutxi geratu bazitzaigun ere, asko ikasi eta primeran pasa genuen.

EGIPTO, NILO IBAIAREN OPARIA

Bigarren gaiari amaiera polit eta eder bat emateko, honi buruzko maketa bat sortu dugu material eta objektu ezberdinak erabiliz. Amaitutakoan, lehen mailako ikasleak etorri dira aurkezpena entzutera eta gaiari buruz ikastera. Bertan, Egipto eta Nilo ibaiari buruz zenbait aspektu azaldu ditugu: kokapena, bizimodua, Jainkoak, eraikinak... Aurkezpena amaitzeko txiste eta asmakizun bikainak kontatu ditugu.

EGIPTO

AUZOZ AUZO

AUZOAK EZAGUTZEN

Urriaren 14ean autobusak hartu eta Deba udalerriko auzoak bertatik bertara ezagutzera abiatu ginen. Hori bai lurralde zabala! Eguraldia traketsa zela eta, lehendabizi ITZIAR auzo udalean egin genuen lehen geldialdia. Frontoian babestu eta bertako ezaugarriak aztertu ondoren, Itziarko eskola ezagutu genuen.

Atertu zuenean ITSASPE eta ELORRIAGA auzoetan izan ginen, bertako zerbitzuak aztertzen.

Azkenik LASTUR auzora jetsi ginen, bazkaldu eta bertan jolastera.

Ondorengo argazkiak horren lekuko. 

IKASTURTE BERRIA: 3.MAILA

Ongi etorri 3. mailara:

   Ikasturtea hastearekin batera, ikasle taldeak abian ditugu jada. Itziartar eta debarrak elkarrekin lagun, ilusio eta erronka berriak; elkar lanean jorratu beharreko proiektu, irteerak... gure ikasleen gaitasun eta konpetentziei bide eginez.

   Lehio honetatik tarteka,  burututako zenbait jardun azaltzen saiatuko gara. Hasteko, hona hemen hiru taldeen argazkiak.